Breaking News

ما هو الVLAN

اليوم هو درسنا التالت في كورس Network Plus, و اليوم راح نشرح VLAN, مبدأياً هي شبكة محلية وهمية و اختصار لجملة Virtual Local Area Network.

و هي تعتبر شبكة وهمية أو منطقية (logical), أول سؤال بخطر ع بالك ليش عملو هادي الشبكة ايش فائدتها !؟.

الVLAN تم انشائها عشان تحل مشكلة Broadcast message, ايش هي هادي الBroadcast, هي عبارة عن عملية ارسال بيانات من مرسل واحد الى عدة مستقبلين ف مثلاً لو عندي 3 سويتشات و كل سويتش متصل في جهازين (يعني عندي 6 أجهزة و 3 سوتيشات), و في سويتش رابع بيربط ال3 سويتشات مع بعض, طبعا السويتش الرابع هادا بكون اسمو الCore Switch عشان بكون هم المصدر, المهم اعتبر الأجهزة مرقمين بهادا الشكل (A,B,C,D,E,F).


ما هو الVLAN

تمام هسا لو بدي أرسل بيانات من جهاز A الى جهاز E, راح تمر الرسالة على جميع الأجهزة لحتى يحدد ايش هو عنوان الMAC Address الصحيح (الذي أرسل اليه جهاز A) و يعطي البيانات و باقي الأجهزة ما بتقدر تشوف البيانات.

الVLAN تم انشاءه عشان يحل هادي المشكلة, كيف راح يحلها خلينا نكمل على نفس مثالنا السابق, راح ناخد أول 3 أجهزة (A,B,C) و نسميهم VLAN 1, و (D,E,F) و نسميهم VLAN 2.
هساا لو اجيت بدي أبعت رسالة من جهاز A الى جهاز C, مش حكون مضطر انو ارسال البيانات الي جميع أجهزة الشبكة راح يتم بالأول فحص الأجهزة الي متصلين معو بنفس الVLAN و يشوف هل واحد من الأجهزة الموجودة هو المقصود أم لا و اذا لا بيروح يتحقق من الVLAN التانية اذا موجود الجهاز المقصود (الي هو تم اختيارو من البداية لارسال اليه الملفات و يتم اختيار الجهاز عن طريق عنوان الIP أو عن طريق الMAC Address).

كيف يتم تقسيم الVLAN الي عندي, يتم تقسميهم حسب المهام لو عندي شركة على سبيل المثال بعمل لموظفين الادارة VLAN خاصة فيهم و لموظفين الأمن VLAN تانية و المبرمجين VLAN تالتة و هكذا, يعني يتم تقسيم الVLAN حسب المهام مش حسب الموقع الجغرافي.

ميزات الVLAN :-
1) سهولة في الmanagement.
2) سهولة في الadministrative.
3) سهولة بتصحيح الاخطاء troubleshooting.
4) بتعطيني security عالية جداً.

ليست هناك تعليقات