Breaking News

من اهم الحاجات اللي كتبتها وهكتبها 🤓
يمكن يكون حظك كويس لو قريت الكلام أو شوفته ❤️
كام نصيحه سريعه يمكن يفرقوا معاك .

 أولا لازم تعرف ان الفتره دي والجايه هيكونوا من أصعب الفترات اللي بيمر بيها ماركت الاتصالات تحديدا والهندسه بشكل عام وده بيرجع لكذا سبب منهم الحاله الاقتصاديه اللي مش مظبوطه وكمان عدد الخريجين الكتير وكمان المهندسين الغير مؤهلين بشكل كويس للعمل وكمان اللي بيقبل بمرتب قليل علشان يتعلم وياخد الخبره ومش هننسي طبعا مساؤي المنظومة التعليمية وأسباب كتير 🤔

ثانيا علشان تتغلب علي القصص دي و تلحق #تنط مالمركب قبل ماتغرق لازم تقعد مع نفسك وتفكر صح . من دلوقتي بقا فرض عليك تحدد تراك قبل ما تخلص جامعه .
زمان كانت الشهاده بتشغل علطول. دلوقتي الشهادات كتير ومبقاش ليها قيمه. لازم Qualifications حقيقه تجبر صاحب الشركه يشغلك

ثالثا  اهتمامك بال personal skills سواء presentation او Communication او حتي language skills أصبح شى أساسي ومفروض عليك . حطه في حساباتك

رابعا . ظبط ال CV بتاعك اول باول . وابعت وانسي ومتفضلش مستني رد . لو دخلت interview وحسيت انك rejected حاول تاخد feedback تفيدك وتعرفك ايه اللي ناقصك واشتغل عليه

خامساً . وسع دايره علاقاتك . العلاقات ليها مفعول السحر في الشغل.  ومش قصدي الواسطه ( مع العلم أن الواسطه اقوي بكتير ) بس بردو لو انت كويس توكل علي الله وربنا مش هيضيع تعبك وحتي لو معاك واسطه مضطر تذاكر وتتعلم وتكون فاهم 👏

سادسا كل ماتحدد Track شغلك بدري كل ماتزود فرصتك في النجاح فيه . وتقلل احتمال حدوث career shift واللي بتكون نتايجها مش لطيفه حتي لو القرار صح فانت ضيعت فتره في career وفي الاخر رميت ال expiernce وهتبدا من ال zero
خد خطوه ال career path وانت في الجامعه علشان تتخرج جاهز ...

سابعا . بقا شيئ معروف ومش محتاج توضيح أن دراسه الجامعه ماهي الا basics وطبعا مفيده جدا ولكنها مش هتشغلك ولا حتي هتاهلك للشغل ولازم تدعم نفسك بال courses , Trainings , internships وافضل ده يتم في فتره الاجازه ومتستناش لما تتخرج.

ثامنا . دور علي الكورس اللي فيه practical ويكون مطلوب في الشغل مش الكورس النظري اللي ممكن تذاكره لوحدك. ولحد اول سنه في حياتك دور علي الشركه الي تديلك expiernce مش فلوس ( ده مش معناه انك تشتغل ببلاش ) لكن خد.مرتب يعيشك واللي مايقلش عن 2500 وبعدها تطلب يتعملك evaluation واعاده تقييم

تاسعا . مش لازم تاخد كل الكورسات . مش لازم طول الوقت حد يوصلك المعلومه.  اتعود تعمل search اتعود تذاكر self study اتعود تجيب material اتعود تذاكر من غير ماتعرب الماتريال وذاكرها بلغه اللي كتبها . صدقني هيفرق معاك كتير .



ليست هناك تعليقات